شوفت حبك عملي ايه

]يا جرحنى بلقمة ناشفة و العيش عندك طرى ..

تقلان عليا ليه ارحمنى يا مفترى



طلعت فوق السطوح هز الهوا كمى ..

كل العيال اتجوزوا وانا لسة جمب امى



يا حبشتكة يا حبشتكة .. القلب من الحب اشتكى ..

يوم دمع و حزن ويوم فرح و هشتكة



محدش بيحبك ... محدش محتجلك ..... محدش بيفكر فيك ... عارف

انا مين ؟؟؟ ......... انا محدش



حبيبى يا ناس حلقلى و سايق ف التنفيض ..

قلوله يرحم قلبى و ميعملش فيها عبيط



كان بينا شوق و محبة راحت بلوية بوزك .

الله يحرق المحبة و يحرق اللى يعوزك



الواحد ممكن ينسى همه ! .... و ممكن ينسى ورد شمه! ..

بس لا يمكن ينسى حبيب طلع عين أمه


حبشوش محبوش .. طرطم مرطوش .. فسخ فسيخ .. جطسطو سجسطا

.. زى الاهبل تقرا اى حاجة



يا روش و آخر روشنة .. يا طبيعى من غير تنشنة ..

عيش عالناس كلها و متعش عليا انا



يا ملقح جوا ف قلبى وانا قلبى مش متين ..

من حبك جالى سكر ادينى انسولين



وحشنى يا فرفور .. صدقنى يا امور .. من غير مالف وادور

.. ف قلبى اسمك محفور




حبيبى يا مدلع .. حبك عندى مولع .. نفسى اخدك و نخلع ..

و نسيب المذاكرة تولع



حبيبى طالع فيها فاكرنى ح دلعه ..

ياما نفسى يدينى ظهره و على أفاه ح لسعه.


ههههههههههههههههههههه

iam sorry to this tahuus

شعب فقري صحيح

دا شعب فقرى

نظرا لأن النعمة فاقت حدها

ولأننا مش قدها

ولأن فعلا انجازاتك ..

فوق طاقتنا نعدها

ولأننا غرقنا في جمايل ..

مستحيل حنردها

نستحلفك ....... نسترحمك

نستعطفك ....... نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارْفُهْ شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة"

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

بخيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة ..

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم ..

خليك مطرحك

حاغطس واقب وأعود ..

بشعب يريحك

راضى وعمره مايجرحك

أخْرَس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

احد ابداعلت احما فؤاد نجم

بحبك يا مصر

في مصر والحمد لله اي حاجه نفسك تعملها هتلقيها صعبه جدا انك تعملها
الا حاجه واحده انك تموت دي اسهل حاجه الي بقت الحكومه موفراها علي الاخر وكمان الجديد بقوا بيدوا ميت هديه علي كل عمليه انتحاريه
وانواع الموت في مصر كتيره تحت شعار ميت ميت يعني هتروح فين بيتك ومطرحك علي راي المثل
في مصر ومصر فقط انواع الموت كتير جدا ومختلفه ايضا

لو عايز تموت شهيد ؟؟؟

• يا تركب طياره

• ياتركب عباره

عايز تموت من الغيظ ؟؟؟؟

• يا تتفرج علي القنوات المحليه

• يا تتفرج علي النشره الجويه

عايز تموت مخنوق ؟؟؟

• يا تروح مصلحه حكوميه

• يا تقرأ الجريده اليوميه

عايز تموت مشهور ؟؟؟

• يا تتجوز رقاصه

• يا تنصب علي بنك

عايز تموت مليونير ؟؟؟؟

• يا تعمل فيديو كليب
  
• يا تلعب كوره
  

عايز تموت من الحزن ؟؟؟

• يا تفكر دايما في احوالك
  
• يا تحط الحكومه في بالك
  

عايز تخنق البشر ابعتلهم الرساله دي وعلي ضمانت الحكومه هيموتواهيموتوا

ابتسم

الضحك المعتدل بلسم للهموم
ومرهم للاحزان وله قوه عجيبه علي فرح الروح
فان الابتسامه اجمل شئ في الوجود
ويكفي انك تعرف ان تبسمك في وجه اخيك صدقه ولك ايضا ان
تعلم ان الرسول الكريم كان يضحك حتي تظهر نواجذه
فعلاما الحزن والبكاء

علي عمر ذهب بلا عودا فان الحزن لن يرجعه:

قال الصبا ولي!! فقلت له: ابتسم ...................... لن يرجع الاسف الصبا المتصرما

او علي حبيب تركك وحدك فلا تحزن ايضا فانت الاقوي:

قال : التي كانت سمائي في الهوي ....... صارت لنفسي في الغرام جهنما
خانت عهودي بعدما ملكتها ................ قلبي فكيف اطيق ان اتبسما!
قلت :ابتسم واطرب فلو قارنتها .......... قضيت عمرك كله متالما !

او علي قريب مريض ولا تستطيع تقديم له المساعده

او غاده مسلوله محتاجه ................لدم وتنفث كلما لهثت دما !
قلت : ابتسم ما انت جالب دائها ....... وشفائها فاذا ابتسمت فربما....
ايكون غيرك مجرما وتبيت في..........وجل كانك انت صرت المجرما

واعلم دائما ان حياتك افضل من غيرك حتي وان كان ملكا لتعيش سعيدا

رغيف خبز يابس تاكله في عافيه
وكوز ماء تشربه من صافيه
وغرفه ضيقه نفسك فيها راضيه
ومصحف تدرسه مستندا لساريه
خير من السكني بابراج القصور العاليه
وبعد قصر شاهق تصلي بنار حاميه

فابتسم قد تكون هذه الابتسامه سبب في بعث السعاده الي نفس مسلم

فلعل غيرك ان راك مرنما .......... طرح الكابه جانبا وترنما

اني ادعوك ان تبتسم ولتعلم ان ابتسامتك هيه مفتاح القلوب وحب الناس وادعوك ايضا ان تعيش يومك ولا تفكر في ماضي فات لا تستطيع تغير ما حدث فيهولا في مستقبل غامض لا تستطيع ان تعلم ما سيحدث فيه وليكن شعارك" يومك يومك "
وتعيش يومك بكل ما فيه وان تنظر اليه بانه اخر يوم ستعيشه قف عند هذه العباره وفكر فيها جيدا اخريوم ستعيشه
وساترك لك الخيال لتفكر وتعرف ماذا ستفعل وانا متاكد ان جميعنا سيصل الي نفس النتائج
وبعد هذا كله هل يوجد سبب لان لا تبتسم !!!!!!!!!!

دقات قلب

لقيت نفسي قاعد فاضي اصلي عندي بكره امتحان فافاضي شويه طبعا ولقيت نفسي مكتبتش حاجه من ذمان علي المدونه فقلت
اهيس شويه واحط كلمتين كنت بهيس فيه بالليل يمكن يعجب حد انا عن نفسي مش عاجبني


الاولي: نظره عنيكي

نظره عنيكي بريئه خلت عنيه غريقه
دابت قوام في دقيقه
واتعلقت بيكي

صوتك ارق صوت همسك كدا والسكوت
قوام خلوني اموت
واتشد ليكي

من نظره واحده انا شفت عنيكي
حبيتك انتي ودبت فيكي
مش قادر انام وبفكر فيكي
مع اني شايفك
من يومين

الدنيا جد احلوت بيكي وبقول بجد وحشاني عنيكي
معقوم بجد بخاف عليكي
كأني عارفك
من سنين

قبلك انا كنت فاضي عايش ايامي عادي
ولما شفتك قصادي
يقيت عايش حياتي ليكي بس با حياتي
وانشغل بيكي يوماتي
وافكر بس فيكي

التانيه : فاهمك وعارف

فاهمك وعارف
كل كلمه عايز تقلها

حاسك وشايف
جوه عينك كلمه حلوه

بس انت
خايف مني ليه ماتيلا قلها

واحكي وعبر
علي فيك يابوضحكه حلوه

دا ابتسمتك بينتلي يا حبيبي واكدتلي
قد ايه شوقك ياغالي

لا خلاص هيه اتقلتلي يا حبيبي وعبرتلي
عن معاني كتير يا غالي

عايز تعرف
يا حبيبي انا ردي ايه

ولا انت
شايف كل حاجه وباين عليا

قلبي دايب
فيك ياروحي من ذمان

بس خايف
يحكي ليك علي الي فيه

لاحسن تقله
من الي يامه خوفت منه

خلاص انا
رادي بس اشوفك قدام عنيه

تلعب وتضحك
وابص ليك وتبص ليه

كفايه لحسن تحسبوني مجنون

تعاطفنا مع ................الذمالك

بعد فوز الاهلي علي الذمالك رقم عشرين ولا تلاتين علي التوالي
انا اعلن رغم اني اهلاوي

اعلن تعاطفي مع اداره الذمالك

الي يا عيني مش عارفين يلقوها منين ولا منين

اعلن تعاطفي

مع نص لاعيبه الفريق الي عيزين يعتزله من قبل ما يبداء لعب كوره اصلا

اعلن تعاطفي

مع الجماهير الي نصها بطلوا يشجعوا كوره والنص التاني بقي بيشجع اللعبه الحلوه

دا طبعا غير الي في العباسيه والي انتحر والي راقدين في المستشفيات ومييتين كلنكين
والي فضل يتفرج علي مصرعه الثيران بدل ما يتفرج علي فريق الذمالك

اعلن تعاطفي

مع كل ذملكاوي هيقراء الرساله دي ويقعد يشتم فيا وممكن يجيله سكته قلبيه
ويموت فيها

يومياتي الامتحانيه

النهارده تاني يوم في الامتحانات وانا بعتبره انه يوم التعويض
النهارده ايه بقي بعيد عنكم اي اس
وانا والحمدلله ذي ما انتو عارفين او مش عارفينعمري في حياتي مفتحتها
علي اعتبار ان انا هذاكرها في يومين كدا علي السريع (ليه بيل جتس) اه اصل انا سريع في المذاكره جدا(هتكدب كمان )
المهم قلت رحعت من كتابه التقرير مخنوق وبعدين قلت هريح وابدا مذاكره من بكره
يلهوي بكره دا عقبال عندكم عندنا في بلدنا حاجه كدا ابشع من العيد لان بكره هيكون تسوعه ودا بيبقي عندنا عيد قومي قلت مش مهم افكك من العيد دا واذاكر
المهم بكره جاه والحمد لله وصحيت الصبح علي الساعه تلاته العصر كدا وقلت لما اكل وبعدين ابدا كلت وجيت ابدا كانت الساعه اربعه لسه بفتح الكتاب لقتها اربعه ونص مش عارف اذاي بقي الوقت بيجري بغباوه المهم هبدا اذاي هذاكر اذاي مش عارف اذاكر السيمري مش هفهم حاجه انا عارف نفسي اذاكر الشباتر هعمي وبرده مش هفهم حاجه وكمان مش هلحق اخلص طبعا انا اخترت الحل الاحسن اني اذاكر من الشباتر من جوه واحاول افهم حاجه والخلص (مهو مدام اقده ساقط اقده ساقط يبقي اسقط وانا فاهم احسن ) المهم بعد جليه المداولات الي اجرتها مع نفسي دا ما خلصتها كانت الساعه خمسه ونص وبعدين لسه هذاكر يااااااااه لقيت كل قريبي جم عندنا ولما اقول كل اقريبي عندنا دي تبقي مصيبه لان بمنتي البساطه ان جدي ابو امي كان صايع شويه وخلف 15 بني ادم لدرجه اني بتلغبط في اسمئهم المهم قلت هقضي سعتين فرفشه كدا وبعدين اجيب اي بني ادم من اصحابي ونعيد ايام السنويه ونذاكر الصبح المهم حصل وبدات اذاكر والحمد لله خلصت في اليومين دول اربع شباتر ونص
ورايح المتحان طبعا مفيش كلام دماغي راكب علي بعضه يعني من كل حته معلومه علي اساس ان الراجل هيجيب اسئله نحكي فيها ونخبط الكلمتين الي حفظنهم لكن ابن اللذينا ايه جايب امتحان غريب مقدرش اقول عليه صعب ولا سهل المهم حليت الي عرفته وخلاص علي السريع كدا في نص ساعه وقعدت الف في الباقي لحد ما نص الوقت عدا وبعدين خرجت
اليوم دا كان اكتر يوم ضحكت فيه في السنه دي
كل ما اقبل حد اقله عملت ايه يبصلي وبعدين يروح باصص في الارض بس والله واعلم انا ببقي حاسس انه يضربني بالالم علي وشي
وبعدين قبلت صحبي محمد محمود الي كان تقريبا بيكلم نفسه
ايه يا محمد عملت ايه
بصلي ومردش عليها ولقيته بيكلم نفسه وبقول
(هو 130 سؤال انا عشان انج لازم احل نصه في الصفحه الاولي والتانيه 20 نقطه صح كويس يبقي انا كدا عايز 40 نقطه قول في باقي الصفحات اربعين نقطه صح بس اذاي اذاي انا محلتش حاجه صح في الباقي )
وبعدين دخلت علي البدري
طبعا انت يا بدري كنت مذاكر
قلي وهوه كاره نفسه اه
طيب عملت ايه
الحمد لله تمام بس سبت 25 سؤال بس هههههههههه
يعني والحمد لله اليوم الكبيس دا عدي علي خير او شر مش عارف
بس اهو عدا والماده الجايه ايه داتا يعني المادهالوحيده الي كنت بذاكرها
ربنا يستر

بحب والمصحف بحب بجد

الحب
اسمي شعور في الوجود عندما تحب شخص
بعيد عن اي اغراض او مصالح
وتحاول بقدر المستطاع ان تبذل كل ما تستطيع من اجل ارضاءه
ولكن عندما يكون هذا الحب ليس لشخص ولكن لوطن
نعم لوطنك
نعم انا اعشق تراب هذا البلد
رغم كل الي بيحصلنا رغم البلاوي الي شيفنها وسكتين
بس والله كلنا بنحبها
ومهما نقول اننا مش بنحبه
برضه هتطلع بتحبها وهثبتلك دا
كلنا عندما
نري علم بلدنا
وتشعور بشعور غريب
لا يمكن وصفه
وتشعر بانك من اجلها تضحي باي حاجه في حياتك
انت كدا تبقي
بتحبها
عندما تشعر بالغيره علي بلدك
عندما تسمع اي حد بيتكلم عنها وحش
وتبقي عايز تقوم تكله باسنانك
اذا انت
تحبها
عندما تحافظ علي نظافه
بلدك
او اذيل الاذي من الطريق
اذن انت
تحبها
عندما اعتني
بفقرائها
ومرضاها ومسنيه
اذن انت
تحبها
عندما تضحي من اجلها
اذن انت
تحبها
عندما اسعي من اجل تحريرها
اذان انت
تحبها
نعم الدافع الاول وراء كل هذ هوما يسمي
الحب
تلغلي الكثير من ذاتك من اجل
محبوبتك الغاليه

فمن اجلك يا مصر سابذل كل ما في وسعي لكي ارفع من شانك
ولكي اكون ولو ترس صغير في سفينه الوصول الي بر الامان
ان شاء الله

انا مجنون باين ولا ايه!!!!!!!!!؟؟؟

عندما نرى شخصين مختلفين في الرأي نقول عنهما أنهما متناقضين

ولكن ماذا لو كنت أنت في نفسك شخصين متناقضين

عندما تدعو إلى الحب إلى التناغم إلى التفاهم وتكبل قلبك بقيود من حديد خشية أن يفلت منك أليس هذا تناقض؟

عندما تعلن أنك لم تعد بحاجه إلى نظرة من عينيه وبداخلك صرخات ترجي وإحتياج إليه أليس هذا تناقض؟

عندما تفهم نفسك وتعرف ما تريد وتتصرف عكس ذلك لأنك تعرف أن هذا ما تريده أليس هذا تناقض؟

عندما يأتيك الموت ممن قدمت لهم أكسير الحياة أليس هذا تناقض؟

عندما تصرخ وتزأر وتهدم جميع ما تبقى من ذكريات وداخلك طفل صغير يبكي يستجدي البقاء أليس هذا تناقض؟

عندما تحب من تكره ومن قبل كنت تحب من كرهت أليس هذا تناقض؟

عندما تحاول ان تكره من لا تستطيع مجرد ان لا تفكر فيه اليس هذا تناقض؟

أجيبوني بالله عليكم

هل أنا متناقض ولا مجنون ولا ايه بالضبط

اول يوم في الامتحان

الحمد لله بعد تيرم كدا غريب هو والله طويل بس قصير في نفس الوقت
اصلك ممكن تعتبروني من الناس الي بيحبه الدراسه (اوعي تفهموني غلط)قصدي يعني
اليوم يعني في ايام الدراسه كل يوم بنروح الجامعه ومخنوقين من المذاكره وبنشوف الناس الي
بنحب نشفهم يعين حركات فيه اثاره في اليوم عكس ايام الاجازه الممله نصحي الساعه خمستاشر ونام الساعه
اي حاجه يعني بنبيق مخرفين المهم مطولش عليكم اول ماده كانت ريوت راتينج يعني بنمتحن علي الورد يعني لو بعت اختي الصغيره هتقفل الامتحان وهتيجي بجد في اقل من ساعه بس والله الي حصل معايا دا حرام علي راي( ريان ) رايح الامتحان كالعاده باثقه الذياده لدرجتي اني وصلت متاخر المهم دخلت والحمد لله كل حاجه عارفه طبعا مش محتاجه اختي الصغيره بتتولي امر الشرح ليه كل حاجه ههههههههه والحمد لله ذي ماكنت متوقع عملت كل حاجه ذي ما الكتاب بيقول وبعدين قفلت الشاشه وسبت الفيل مفتوح وفجاه!!!!!!؟ ينهار ايه الي حصل
كل حاجه غريبه مش دا الي انا عامله فين الرسمه الي انا عملتها ينهار فين الجدول مش عارف لولو انا مينفعش اعيط كنت ذماني عيطت وعمال اعمل اندو الحمد لله الجدول رجع لكن الصوره طارت والدكتور وطبعا انا كنت هموت عشان حرااااام بس هنعمل ايه قدر الله وما شاء فعل
بس انا ديما حظي وحش بعد ما الواحد نوي السنادي يجيب تقدير جامد يجي سؤء الحظ الغريب الي معشش معايا دايما يبوظ الدنيا
ودا اول يوم عقبال ما يخلص اليوم التاني والباقي بقا
سلااااام والي لقاء قريب

رئيس الجمهوريه

ياااااااااااااه اخيرا بقيت رئيس الجمهوريه دا الي كنت بحلم بيه ذمان
اني ابقي رئيس جمهوريه واديني بقيت كدا!!!!!!!!! متستغربوش
اعلن من هنا انا محمد حماده رئيس جمهوريه مدونتي (طالب سابقا ) ان اعمل جاهدا علي جعل مدونتي جامده اوي
بس واحد واحده ان شاء الله .
ومدام دخلت هنا برجليك يبقي لازم( بيسموها ايه) تنطاع لقوانين حكومتي (حلوه دي اوي )وهيه
1- قراءه المدونه كلها (اجباري)
2- التعليق (دي اختياري بقي عشان مبقاش رخم)

ابتسم

S M I L E
ابتسم
عندما تستيقظ من النوم ابتسم واشكر الله على نعمة البقاء
فلديك يوم في رصيد حياتك لتقضيه في طاعة الرحمن

عندما ترى والديك أمامك ابتسم
فهناك الكثير من الذين انحرموا من نعمة الوالدين

عندما تتوجه إلى العمل ابتسم فالبعض لا زال يبحث عن العمل

عندما تتذكر بعض الضغوطات التي مررت بها
ابتسم لأنها مضت ولن تحدث مجدداً إن شاء الرحمن



عندما تمر بموقف صعب
ابتسم لأن لك رباً عظيماً تستطيع اللجوء إليه في أي وقت
-ألا بذكر الله تطمئن القلوب-

عندما تفشل في تجربة معينة ابتسم يكفيك شرف المحاولة

عندما يجرحك شخص عزيزاً عليك
ابتسم فهناك العديد من الأشخاص الذين يحاولوا أن يداو جراحك

عندما يظلمك من حولك ابتسم لأنك لم تظلم أحداً يوماً



عندما تعرف إن فلاناً من الناس لا يحبك
ابتسم فهناك العديد من الأشخاص الذين يحبونك ويتمنون لك السعادة

ابتسم
وتذكر انت من تملك حياتك وانت من تعيشها فبإرادتك أن تجعلها
جنة صغيرة سعيدة وبإرادتك أن تجعلها سوداء مليئة بالأحزان
ولك الخيار لتختار وابتسم لأنك تملك الخيار الصحيح