بعد مرور حوالي سنتين ف الجيش بقعد افتكر كدا الايام الكتير الي عدت دييي
في ايام منها حلوه اوووووووي وايام صعبه اوي عملت حجات مكنتش متخيل اني
هعملها او هقع ف مواقف زي دي
ابسط كلمه ممكن اقولها تعبر عن الي حصلي هيه
انا اتمرمنط ^__^
بس وسط السوااااد دا كان ف ايام حلوه اووووي مواقف عجيبه وغريببببه
ايام فيها شغل كتير ومفيش نوم وايام انتخه ونوم من اول اليوم لاخره ^_^
اول يوم ف الكتيبه بقا من الحجات الي كل ما افتكرها اضحك جدا
اول يوم طابور الساعه سبعه ونص طالع انا والضباط طبعا لسه معرفش هو ايه
المكان الي انا فيه دا مش شايف غير مكان كله اصفر ف اصفر وعساكر شكلها عجيب طبعا
ضابط زميلي عمل الطابور وانا كل الي بعمله هو المشاهده عشان اعرف الدنيا فيها ايه
وافهم .. كان اكتر سؤال بيدور ف بالي هو فين السلاح الي هنحارب بيه ياجدعااان لحد دلوقتي
مشفتهووووش :D
فجاءه اذا سمعت صووووووت سارينه انذاااار ولقيت كل الناس الي حواليا عمال
تجري ف اتجاه وااااحده وبسرعه جدا والضباط عمالين يجروا والناس تطلع من المكاتب
تجري ..وانا مش فاهم اي حاجه ..ف اييييييييييييييه ياجدعان ايه بيحصل .. هو احنا
من اولها هنحارب ولا ايه طيب بتجروا
رايحين فيييين محدش بيرد ..رحت جاري وراهم وخلااااااص ..فجاءه وانا بجري وراهم
لقتهم ابتدو كل شويه يجري ف اتجاه..طب انا هجري وري مين دلوقتي ..رحت جاري وري
الناس الي ف النص وخلااااص ..واذ فجاءه لقيت معدات بقا ظهررررت وكل واحد بيروح ف
مكان وبيشغل حاجه معينه كداا رحت انا طالع علي معده بقا ولقيت اجراءت معينه كدا
بتحصصصصل بسرعه كدا .. بعد ما اتعلمت بقاا عرفت معني الي حصل داااا :D
هيييييييه دونيااااااا
