شخابيط

**قصــــــــــر الشــــــــوق **

صوتك وجهك عطرك شعرك لمسة إيدك عمتندهلي
شايف فيكي إم ولادي شامم ريحة أرضي و أهلي

عارف خلف البحر الأزرق لما الشمس تموت بتخلق
عارف إنك عمري الجايي لما الماضي ببحرك يغرق

قولي بحبك قلبي بيكبر وسع الكون و إرجع اصغر
عمر فوق الرمل الدايب قصر الشوق اللي ما بيتعمر

بحلم فيكي و عم بتأمل يكبر مره الحلم و يكمل
وعمر بيتي ع إديكي بيت صغير يصير الأجمل

شو مشتاق لبيت صغير وإنت تحبيني مش أكثر
وشبابيك الإلفه تضوي وبواب الحيره تتسكر

دقة قلبك ترسم قلبي عمرك عمري و دربك دربي
مشتاق لوجهك يحميني يحميني من وجوه الكذبه

قولي بحبك قلبي بيكبر وسع الكون ويرجع اصغر
عمر فوق الرمل الدايب قصر الشوق اللي ما بيتعمر

بحلم فيكي و عم بتأمل يكبر مره الحلم و يكمل
وعمر بيتي ع إديكي بيت صغير يصير الاجمل

قصر الشوق مروان الخوري