جربت

ارجوك كفاية .. ومتقلهاش .. انا همشي وابعد من نفسي
وسامحني .. لو قليت راحتك .. او يوم فرضت عليك نفسي
محتاج اقولك كلمتين .. وبجد بعديهم همشي

وأعذرني يعني عشان يمكن .. تسمعني بس ما تفهمشي
اصل الكلام دا في حاجات .. تتحس بس ما تتقالشي

جربت تعمل كل شيئ .. عشان تحبب حد فيك
وتلاقي رد بيوجعك .. باين في كل كلامو ليك
بس انت عايش عالامل .. يمكن في مرة يحس بييك

جربت لما تبصلو .. تلقى قوام يبعد عينيه
وتحس لما تكلمو .. ان انت حمل تقيل عليه
احساس محدش يفهمو .. غير اللي حسو ومر بيه

جربت لما يكون حزين .. تبقى انت مش قادر تنام
وان حد قال انو اتجرح .. تلقى الدموع سابقه الكلام
هو يا دوب يقول ال اااه .. وانت اللي بتحس الالم

جربت تقبل كل يوم .. يجرح مشاعرك ويدوسها
عمال يحمل قلبك لوم .. على كلمة ماقدرش يحوشها
جرب الآامي وقول .. هتحس ايه لما تعيشها