شخابيط

السلام عليكم

كل الناس طالعه ف التلفيزيون دلوقتي وتقلك الانتخابات مزوره وكوسه وازاي الحزب الوطني ياخد كل المقاعد
والله احنا الي نستاهل

طيب انا عايز اعرف كام واحد ف مصر اصلا راح ينتخب

والناس الي راحت دي اصلا بتختار علي اي اساس ولاا هما عارفين بيختارو مين
ولا ليه الناس الي راحت اصلا دي نصهم رايحين عشان يجاملو لو المرشح قريبهم
والنص التاني رايح عشان الناس تقول عليه دا مثقف وبيفهممممم وجاي يقول رايه
يعني احنا بلد ميه مليون كل الي راحو ينتخبو اربعتاشر مليون
وطبعا الرقم الحقيقي اقل من كدا بكتييييير جدا لان ف ناس طبعا بيختارو للناس الي مش بتروح
فعلا كتر خيرهم
انما احنا لو كل الناس راحت انتخبت فعلا مش هيعرفو يزورو ولا هيعرفو يمشو البلد كوسه
انما احنا نستاهل الي يحصل فينا
مجلس الشعب المراديي كلو حزب وطني الامقعدين لحزب الوفد والعداله مقعد والغد مقعد
يعني مجلس دون معارضه وكل سنه وانتا طيب يعنيييييي هيه المعارضه كانت بتعمل اييييه بلا وكسسسسه :D

انا رحت الانتخابات السنادي وطبعا اول مره عشان دي اول سنه انفع انتخب فيها
بس اصلا الي كانو داخلين ف الدايره بتاعتنا كلهم
واحد بتاع مخدرات وواحد شغال بالربا وواحد حرامي وواحد نصاااب
طبعا انا احترت بصراحه مكنتش عارف اختار مييييين لانهم كلهم مزايااااا

انا ناوي ان شاء الله ارششششح نفسي لمجلس الشعببب بس لسه هستني تسع سنين هييييه دنيا

مين هينتخبني بقاااااا ؟؟؟؟
واحب اقول ف الاخررر للشعب المرادي .....خنقتوناااااااااااااااااااا