أقسم بالله العظيم ... ان اكون جنديا وفيا لجمهورية مصر العربيه..

محافظا علي امنها وسلامتها ... حاميا ومدافعا عنها.....

في البر والبحر والجو... داخل وخارج الجمهوريه.... مخلصا

لرئيس الجمهوريه....مطيعا للأوامر العسكرية.....

منفذا لاوامر قادتي ... ومحافظا علي سلاحي .

لا اتركه قط حتي اذوق الموت... والله علي ما اقول شهيد)

انا اتخرجت اخيرا من كليه الضباط الاحتياط وبقيت ملازم ودي تبقي تاني كليه اتخرج منها :D
الصعب خلص ولسه باقي الاصعب .. وبجد دي كانت من احلي الايام الي قضتها ف حياتي وزي ما كنت رايح الكليه دي زعلان
مشيت منها زعلااان .. مع اختلاف الاسباب طبعا
كنت بحس وانا قاعد هناك مع الرجاله ااني قاعد مع اهلي والله ..اربع شهور ونص مش قليل .. اتنفخنا مع بعض ولعبنا مع بعض واكلنا مع بعض احلي اياام صعبها قبل سهلها .. فاكر كل يوم ف الاربع شهور ونص كلهم @_@
فاكر لما كنا بنعد الايام يوم يوم عشان ننزل اجازه بعد 37 يوم الي ف الاول
فاكر اول يوووم يدوب دخلنا الكليه لقينا سيوول بتنزل والكهربه قطعت :D .. قلت هيه من اولها سيول وكهربه تقطع
فاكر اول يوم رحته الكليه واستقبالهم لينا ..فاكر القطر بتاع الكليه :((
فاكر لما كنا بنقف بالست ساعاات ف الشمس وطالع عنينا سووي ونشتم ف الي خلفوا الجيش :D..ونروح بعد كدا المحاضرات وننام فيها
وفاكر بقا لما دخلت موبايلي ف الزياره وكان هو الموبايل الوحيد الي بيتكلم بيه 42 واحد :D
وكانت اقصي طموحنا ف الفتره دي اننا نروح ننام الساعه تسعه عشان نصحي الساعه خمسه ..يالهوي علي دي ايام
لما كنا نريح قبل وقتنا بساعتين كدا ونخرج ..طبعا الخروجه جوه ملهاش حل لحد الكانتين ونشرب شاي ونقعد نعد النجوم :D
او نختلس بعض النظارات من التي في :D
هيه دي الفتره ا لوحيده ف حياتي الي كنت بشووف كل يوم الشروق والغرووب :D ..كانوا حلوين اوي
وفاكر لما كنا بنتفرج علي الماتشاااااااات سووووووي .. والاهلاويه يغيظوا ف الزملكاويه :D
دا النفخ الي حضرته مع كل اصحابي جوااااا
طبعا كل دا استمر بحذفيره كدا حوالي 45 يوم ..والحمد لله بداءت الدنيا تبقي اسهل شويه شويه ..لحد ما بقت سهله اوي :D
وبلاش تعرفوا سهله اوي لدرجه ايه :D ...
بس زي ما كنا ف الايام الصعبه دي مع بعض بردو ف الايام الحلوه جدا مع بعض هزار ولعب :D
اها نسيت اقول فاكر التزويغ من المحاضرات هههههههه
وبجد احنا عندنا قائد مدير الكليه شخص ملوش حل .. بيعامل طلبه الكليه زي اولاااااده .. بيقف جنب كل الطلبه حتي لو كنا احنا الي غلطانين كان بيقف معانا ..اللوا احمد حلمي الهياتمي ..ربنا يخليه لمصر ..رقم تلفونه مع كل طالب ف الكليه بنكلمه دايركت .. طبعا الكلام دا مش بيحصل ف الجيش غير مع اللوا احمد .. بس لو يقلل من الخطب شويه :D
وخفه دم العميد اشرف قائد لواء الطلبه ..حتي وهو بيدي للطلبه جزاء ..ملوش حل
كان يطلع عين اهلنا وف الاخر واحنا مسافرين بابتسامه عريضه كدا توصلوا بالسلامه يارجاله
فاكر اخر اللشه ليييه قبل ما يسيب الكليه للاسف ويمشي قبل ما نتخرج بشهرين كدا
لما قفش طالب معاه سجاير ف بيقله بتجيب سجاير ليه يابني ..الواد قله دي وزه شيطان يافندم
قله طب عشر ايام حبس سبعه ليك وتلاته للشيطان هههههههه
الكليه نجحت ف حجات كتير بس اول حاجه فعلا نجحت فيها الكليه انها امتصت غضب الناس دي كلها لان تسعين ف الميه مننا بنكون رايحين مخنوقين طبعا جدا .. وتحببك كمان ف الحوار دا لدرجه اننا نبارك لبعض علي النجمه الاولي :D
ومش هنسي طبعا شط فايد .. مكنش ينفع نسيب الكليه قبل ما نتمشي ف فايد طبعا ..حفظتها :D
واخيرا الحمد لله النهارده حفله التخرج كان يوم متعب جدا بس حلو اووووي ..اهالي كتيييييير جدا وزغاريط بقا واحنا بنعمل العرض
كان يوم جامد جدا ف الذاكره الابديه @_@
كفايه بقا مش عايز اتكلم ف الموضوع دا اكتر من كداا :(
ذكريات كتيره اوي ف الفتره ديي ممكن اقعد تسع ايام اتكلم فيها .. وفعلا عرفت معني الجمله الي كنا بنسمعها من الي قبلنا دي
جمعونا اغراااب وفرقونا احباااب
انا حاسس اني يوم الجمعه هلبس واروح الكليه عاديي تاني
..
وان شاء الله ربنا يكرمنا ف الفتره الجايه دي وفعلا نبقي اد المسئوليه
لاننا خلاص بقا تحولنا ف يوم وليله من طلبه ف كليه الي ضباط شايلين مسئوليه
واخيرا احب اقول انا بقيت ملازم سلاحي دفاع جوي ..صواريخ بقا وحركات :D

خبر تخرج الدفعه ف اخبار الخامسه


دي بقاا فيديوهات لحفلات دفعات قبلنا لسه فيديو حفلتنا منزلش :D
حجات معمولها مونتاج كداا





ليبقي شعار كليتنا .. الايمان الوطن التضحيه

^__^

كل سنه ومامتي طيبه ^_^
اديني عملتلها اغنيه اهو عشان محدش يقولي مبجبش هدايا لماما

جامده اوووووووي جدا ..قصيده الجخ الجديده ف الجول

متزعليش لو يوم قالولك إنه مش باين عليه أثر الفراق
وإنه مش بيجيب في سيرتك وإنه عادي
لا بان عليه أثر الفراق ولا فيه ألم ولا فيه اشتياق

حجاش قصيده كتبها فيكي
هي دي اللي طلعتي بيها
أما هو خلاص نسيكي
عادته ولا هيشتريها
وإحنا قولنالك زمان مبتسمعيش
فمتزعليش

ثم هو مكنش نقوه
كان بيتأخر عليكي بالساعات
وكان مفلس
وشكله يعني مكانش هو

كل أصحابك عابوه
أهو غار في داهيه
وبكره يركع تحت رجلك سيد ابوه

بس يمكن كان حنين حبتين
هما بس حبتين
كان برضه بيسخف عليكي
كنتي فين ؟
ورايحه فين ؟
وجايه منين ؟

بس كان بيبان عليه
لما اسمك ييجي في الكلام
تلمع عليه

بس برضه كان سخيف
مكنش بيقدر ظروفك
كام مره قولتي مستحيل ويصر برضه إنه يشوفك
ومتزعليش
من قساوة الدنيا وعنادها العجيب
أنا كنت فاكر نفسي اقوي من النصيب
وكنت بتريق علي اللي مكملوش

مين كان يقول إن النهايه تكون فاشوش ؟؟

أنا لسه فاكر وقفتك وسط البنات
فاكر هدومك وابتسامتك والكلام
حتي السكات

لو كان فراقنا صحي فيكي كام وجع
أنا كل ليله بتدبح من الذكريات

أنا عندي ركن بحط فيه كل الحاجات
كل القصايد والألم
كل البنات
جيت اركنك جواه ... رفض
ومكافاكيش
فمتزعليش
وإن جم قالولك إنه مش باين عليه اثر الفراق
متصدقيش

أنا لما ثبتك ... كل حاجه اتغيرت
ريحة الشوارع والدكاكين القديمه والبيوت
كإني ببدأ من جديد رحلة حياتي
أو بموت

حسيت كإني نهيت حياتي ... خنقتها
أنا كنت متخانق معاكي وقتها
مكنتش اقصد أقولك امشي مترجعيش
بس أنتي كنتي صغيره .... مفهمتيش

الطبع غلاب وأنتي عارفه
كنتي لازم تعذريني
معرفتش اترجاكي وأنتي بتدبحيني
ربونا ع الهيبه
وع الحب بقيامه
وإن لما البت تتقل يوم عليك .... بالسلامه

صدقيهم لو قالولك إني عصبي
أو فالاتي
وإني بعرف ألف واحده وقلبي بيغير يوماتي
صدقيهم لو قالولك أي كدبه عن حياتي
بس اوعي تصدقيهم لو قالولك إنه كان كداب معاكي محبكيش

وإن جم قالولك إنه مش باين عليه أثر الفراق

متصدقيش

walk to remember

Love is always patient and kind it is never jealous, love is never boastful or conceited, it is never rude or selfish, it does not take offense, and is not resentful
شويه رومانسيه بقا كفايه جيش :D
الفيلم داااااا احلي تالت فيلم شفته ف حياتي @_@
قدييييييييم شويتييييييييييييين بس انا بحبه جدااا

اغنيييييه الفيلم

والله الواحد من امبارح هيتجنن من الي حصل دااا .. ايه ذنبهم الي ماتوا دول غير انهم كانوا رايحيين يشجعوا فريق كوره
ناس حقيره بتتامر علي شباب مصر خطه مدبره مش ممكن يكون الي حصل دا عشان تعصب لكوره
من امتي اصلا المصري بيكسب الاهليييي .. ودول كسبوا تلاااااااااااته .. فاكيد مش عشان كوره خالص الي حصل دا
شعب همجي شويه بلطاجيه يجرو تلاقي كل البلد تجري وراهم نصهم عشان يتفرج والنص التاني بيصور
والامن غبي جدا واقفين يتفرجوا زيي الناس مش عارفين انهم رايحيين الماتش عشان يامنو الاستاااااد والجماهير يخربيت الغباء
لما الامن مش عارف يامن ماتش ولا يامن انتخابات ولا بيامن بنووووك ولا سياحه ميقعد ف بيوتهم بقا ويريحوا
ولا أى كلمة توصفه لما الأم تشوف ابنها نازل بعلم بيرفرف بيه عشان يشجع حاجة هو بيحبها ويرجع ليها ملفوف بنفس العلم ويتكفن بيه
ربنا يكون ف عون اهلهم
والمشير ال ....... طالع يقولك الي حصل دا عاديييييي وبيحصل ف ااي مكان ومش عارف ايييه

سيذكر التاريخ ان المجلس العسكرى أرسل قوات خاصة لأنقاذ السفير الاسرائيلى ودوبلوماسيه , ولم يرسل عربة اطفاء واحدة للمجمع العلمى إلا بعد ان التهمته النيران ولم يرسل طائرات عسكرية لانقاذ جمهور الأهلى إلا بعد أن قتل أكثر من 80 مصرى .. !!

ولسه الاعلام المتخلف بيفكر نلغي الدوري ولا نلعبه من غير جمهور .. كفااااااااااااااااايه بقااااا

كما قالها الجخ سيذكر التاريخ يوما اننا كنا خراااااف
ياريت الواحد مكنش رجع اجاااااازه علي الاقل مكناش هنعرف ايه حصصصصل

شخبطه علي الحيط

انا شخبطه على الحيط وبشبة ناس كتير لانا عمرى هكون الاول ولا الاخير

انا واحد من كتير بيحبوكى بضمير كل الى شغال بالى انك تبقى بخير

الاسم فلان الفلانى السن منتى عرفاة عنوانى حضنك ومكانى

الدين مؤمن باللة

انا شخبطه على الحيط وبشبة ناس كتير لانا عمرى هكون الاول ولا الاخير

احلامى من سنين مركونة على الرفوف مليت كلامك ليا تملى عندك ظروف

مش بندم على اللى فات ولا نفسى ارجعلة يوم سنين وانا دهرى متنى كفاية

عايز اقوم

الاسم فلان الفلانى السن منتى عرفاة عنوانى حضنك ومكانى

الدين مؤمن باللة

فيها حاجه حلوه ;)

عندي كلمه :)

عندي كلمه ومش هقول بعديها تاني

مصر عايزه الشغل مش عايزه الاغاني

مش هفكر يوم ف نفسي واكون اناني

كل همي يامصر اشوفك واقفه تاني

تحت امرك ياحبيبتي لو تنادي

لو هضحي عشان عيونك اضحي عادي

اسمي مصري وشغلتي نصرت بلادي

النهارده عشاني بكره عشان ولادي

دي كلمات حماقي وغناءه طبعا

ياسلام عليك ياحماقي لما تشغل دماغك :D

ياااه فتره صعبه جدااااا وجميله جدااااا بجددددد عدت ف حياتيييي
واتعلمت منها كتيييييييير جداااا
اتعلمت ااازاااي ممكن تشتغل 19 ساعه ف اليوم عادي جدااااا
اتعلمت ازاااااي تشتغل ست ساعااات وتاخد بريك ربع ساعه وتحمد ربنا عليييه ياااه حاجه كبيره اوي :D
واتعلمت ازااااااااي تنام وانتا واقف ... وتستحمل رغييي صف الضباط المعلمييييين(اوول مره اشوف ناس بيرغو اكتر من الحلاقيين ) ودي مش حاجه سهله خالص علي فكره انا ف الاول كنت مقرب اضربهم بس ناو خلاص بقا اتعودت جدا
الصببببببببر لابعد الحدووووود :D الرمايييه ... ليااااقه بقت مرتفعه جداااا
اتعلمت الخطوه المعتااااااده :D واتعلمت صيني كمان من زمايلي لغات صيني :D
زاااااادت كرهيتيييي لليهوووود من كتر الكلاام عنهم جووه
اتعرفت علي كميه بنادميييين غير طبيعييييي وكلهم ما شاء الله مستووي علمي عالي جداا
معلومات عسكرييييييه كتيره جداااا بتحس فعلاااا انك بقيت مصري ومسئووول عن البلد دي
وهتعمل حاجه مفيده عشانهااااا
ياسلاااااام لما بنقووول الاناشيد الوطنييييييييه :D
ف بدايه الفتره دي بجد الواحد مكنش عارف هتخلص ازايييي 45 يوم كاملين بتصحي قبل خمسه وتنام علي حداشر
حاجه صعبه جدااا بس رغم كدا حسييييت انها عدت بسرعه جدااااا الحمد لله
عقباااااااال الباقي
@__@

السلام عليكم
النهارده اخر يوم ليا ف الحياه المدني 11/11/2011
التاريخ دا عمري ما هنسااااااااااه للابد
ادعووووولي ياجدعان الفتره الاولي دييييييييييييييي صعبه جدااااااااااا
45 يوم ما يعلم بيهم الا ربنا
يارب اكتبلي الخير ف الفتره دييييييي وتكون ليها افاده ليا ولبلدييييي واتغير فيها للافضل
ياااااااااااارب كتبت عليا الجيش ضابط تــــــلات سنين فاكيد دا الافضل ليا
فجعله سهل عليا ياااااااااااااااااااااااااااااارب واكتب ليا فيها الخير
وان شاء الله بعد فتره هفتكر الايام ديييي وهتبقي احلي اياام واحلي ذكريات :)

شعارنا
ايمان .الوطن . تضحيه

بيقولوا اني هبقي سلاح حرب الكترونيه ...ودا بيسموه سلاح البلاستيشن !!! ...حد عايز يلعب

انا عايز احارب ياجدعااااااااااااان اخرتي هتبقي بلاستيشن ف الجيش !!!!!!
انا عايز انزل التحرير عايز ابقي علي الحدوود مش هو جيش يبقي نعمل حاجه مفيده يابلااااااش
عايز ابقي زي الابطال الي استشهد بتاع تلات مرات ف الحروب دووول !

ياما بلاها جيش وخليني قاعد ف البيت علي الفيس
سامع يامشير !
اللهم بلغت اللهم فاشهد

شاك الى البحر اضطراب خواطري فيجـــــــــــــيبني برياحـــــــــــه الهوجاء
ثاو على صخر أصـــــــــم وليت لي قلــــــــــــبا كهــــــــذي الصخرة الصماء
ينتابها موج كموج مكـــــــــــــارهي ويفــــــــــــتها كالسقم في أعضـــــــــائي
والبحر خفاق الجوانـــــــــــب ضائق كمدا كصدري ساعة الإمســــــــــــــــــاء
تغـــشى البرية كـــــــــــــدرة وكأنها صــــــــــــــــــعدت الى عيني من أحشائي
... والأفق معتكر قريح جفــــــــــــــــنه يغضي على الغمرات والأقـــــــــــــــــــذاء
يا للغروب وما به من عـــــــــــــبرة لــــلمستهام وعبرة للرائــــــــــــــــــــــــــي
أوليس نزعا للنهار وصرعــــــــــة للشـــــــــــــــــــــــــمس بين مآتم الأضواء

استخرج عشر محسنااات بديعيه واخره لفظيه :D
مع شرررح مشاعر الشاعر الي هو انا يعني عندما كابير هذه الابيات
.........
من ناو بقيت ضابط بالقوات المسلحه رسمي فهمي نظمي ف مرحله من اكحل واصعب مراحل التاريخ ..
ولن ينسي لي التاريخ هذا الموقف
... مبروك عليكي يامصرررر اانااا
والحمد لله

هفضل مصمم علي كدااااا ..لما نشووووف النهارده دا هيجيي امتي :D

انا المصري بغلبو وجبروته وطوله باله

يدعبس ف الرزق عن ضحكه ويتمسح ف افيه نكته

ويتمسخر علي حاله ويزيح الهم باللقمه

واداري جروحي ف الهدمه ويقول ف العيشه مواله

انا المصري بفنه وسره وسكوته

وانا الي اديت واديت للحجر صوته

شرقان واموت من الجوع وعمري ما اموت شبعان

ولسه النفس فيا عشان صبري ..اانا المصري انا

انا المصري بشكلي وبلوني وبهمي

اقول لدا خالي ودا عمي واحبك عشان شبه امي

واحكي ف حالي واتكلم واقوم من النفضه واتالم

ولا ابصش علي عيبي انا قلبي دنيتي وقصري

انا المصري

الواحد كان عايش الفتره الي فاتت دي حاسس انه ف غيبوبه واخيرا فقت...
الحمد لله

.....
عجبني اوووووي الكلام دا :)
مفيش صووووره بقا لاسباب فنيه خارجه عن الاراده ^_^