شخابيط

طريقه جديده ف مصر شغاله الايام ديي

بعد ما قدرو يفرقو بين الدول العربيه كلها
بقو بيفكرو يقسمو المصريين
مش عارف ليه بيموتو ف التقسيم
بعد ما قسمو المصريين الي اهلاويه وزملكاويه
وبعد كل ماتش ضرب هنا وهناااا وشتيمه هنا وهنا
اموت واعرف مبيعرفوش يتشطرو الا علي بعض ليه
ما احنا كل يوم نضرب ف الجزائر اهو
دا حتي ف السودان.. السودانين حبايبنا.. بس سلمونا تسليم اهالي
للجزائرين
دا احنا كلنا ضرب هناك
بس يلا يا بخت من بات مضروب ولا بات ضارب
مش موضعنا النهارده بقا

دلوقتي بقا ف حاجه جديده خالص
اسلوب جديد زي ما بيقولو
بتسفزني جدااااا
موضوع جروب لكل نجم دا
الموضوع دا بيشلنيي
والشباب بقا فرحانين
تلاقي الواد من دول
يقلك انا عمراويي...ياحبيبي وفرحان اوي يعني
والتاني يقلك عمرو دياب ميييين انتا مجنووون انا صبراوي
لا والله.... يخرب بيت الهبل
والتالت مش عارف حمقاوي والرابع تيموراوي
واكتر حاجه بتشلني لما
القي شويه منهم كدااااا بقا بيخانقو عشان خاطر واحد بيدافع
عن المغني دااااا والتاني بيشتم فيييه ويقلو
لالالالا كلو الا تامر نجم الجييير دا حبيبي من ايام الجيزه
مش عارف اي جيل داا
وتلاقيه ايه بقا ميسكتش لا بيخانق بيخانق يعنييي ممكن يقتل الي بيخانق فيه دا
عادي جدااا
اهم حاجه المغني الي بيحبو محدش يغلط فيييييه
الله يخرب بيت التفاهه

ربنا يستر ف الايام الجايه ايه تاني ممكن يحصل
...........