شخابيط

الفيديو دا جميل جدا ...


انا كنت من كام يوم ف محافظه كدا وشوفت زي مظاهره للمسحيين عشان طبعا الاحداث الاخيره
انا اول ما شوفت المظاهره وقفت طبعا واتفرجت شويه كدا بصراحه شطت جدااااا من كلامهم الي
لو مثلا ف مسلميين متجمعين ف مكان قريب من المكان دا لو سمعو نفس الكلام دا هتتقلب معركه فعلا
ورحت ماشييييي وحسيت انهم اد ايه هما فعلا مشحونيين جداااا جدا زي ما المسلمين بردو مشحونين
ودا طبعاااا مصيبه وحسيت من كلامهم بجد انهم متحفظين يعني ناس محفظاهم الكلام دا
عشان يقولوه للناس دي عشااان يولعو ف البلد اكتر

لكن بعد ما فكرت حسيت ان المفروض افكر بطريقه تانيييييه تماماا لكن
انا ف الاول فكرت بنفس الطريقه الي بتخليييي المعارك دييي تحصل والقتل

انا كان نفسي بجد ف الوقت داااا لو كنت اقدر اني اطلع اقولهم بس
ان انا مسلم ومش بكره خالص المسحيين وليا اصحاب كتير جدا مسيحيين وانا بحبهم
ولما بيحصل اي حد من قرايب اصحابنا بيموتو والله بيكونو اول ناس معانا ف العزاااء دا
ومش بيسبونا خالص وعمري ما فكرت ان دا صحبي مسلم ودا مسيحيي
ربنا بيقول ان لهم ديننا ولنا دينا يبقي خلاص

وانا متاكد بردو ان كل حد ف الناس الي واقفه دييييي وبيقولو كلام غريب دا الي هيزود الفتنه اكتر ليهم ناس مسلميين كتير جدا
يعرفوهم وبيزورهم وبيعيدو علي بعض ف الاعيااااد ومش بيكرهو بعض خالص
وكان نفسي افرج كل واحد فيهم علي الفيديو داااا

اانا شايف طبعا ان لا كامليا شحاته دي ولا عبير التانيه يستاهلو اطلاقا ان اتناشر واحد يموت واكتر من ميه
مصاااب عشانهم لييييه يعني كل دا !!!!!!!؟؟؟؟
وعايز اقولهم ان احنا هدفنا واحد
وربنا يستر من الي جاااااااااااي ف الموضوع دا بالذاااات لانه لو كبر اكتر من كدااا محدش هيقدر يوقفه


..............
قصه الفيديو دي حقيقه وطبعاا مش غريبه خالص
لان دا الي المفروض يبقي بينا ديما

سلام