اخيرا هشوف الناس علي حقيقتها

لالالالا محدش يفهمني غلط
الحكايه وما فيها اني نويت اعترف خلاص اني مش بشووووف خالص

مع اني كنت مصمم اني بشووف بس خلاص تعبت من الكدب علي نفسي

المشكله اني كل ما اروح للدكتور يقولي يابني نظرك سته علي سته نضاره ايه اتجننت ولا ايه
واروح الكليه مبشوفش السبوره اصلااااااااااا العيب ف مين
بس تقريبا العيب فياااا
لاني ف الكشف ف كل مرره الدواير الي مبشوفهااااش بخمنهاا وتقريبا بتطلع صح :D
ف بيفهم انييييي بشووووف كووووويس ....
بس الحمد لله اخيرا مش هخمن الدواير بقا :D
وقررت البس نضاره مع انييييييي مبحبهااااااااش
اخيرا هشوف السبوره وهكتب الي مكتوب عليها من غير مساعده الاصدقاء :D
اخيرا هشوف الناس علي حقيقتهااااا
ناسف علي الشخابيط

الحمد لله نجحت
ومبروووووك لكل اصحابي الحمد لله الكل نجح
وجبت جيد جدا اميج :D الي كنت خايف منها
بس انا مش مبسووووووووووووووط :(((((((((
انا من الاول عارف ان الراجل الي شبه صلاح ذو الفقار دااااااا مش ههيجبها لبر .... :(((((((((
صلاح مين دا كلهم مجبهاش لبررررر انا حالللللللللللللل كوووووووووويس :((((((((((((((((
هو انا اهاااااااااااااااااااااا مبزاكرش غير ايام الامتحاناااااات بس حليت كووووووووووووويس :D
بس بردو الحمد لله عشان محدددددددش يقولي ليه مش تحمدددد ربنااااااااااا والكلام داا

ومبروووووووووووووووووووووووووووووووك ;)

عايز افهم !!!؟؟؟؟؟

متقراش عشان مش هتفهم حاجه .............

زي بعض ومش هيفررررق ؟!!!؟؟؟؟؟
لالالالالالالالا

متحكمش بسرعه ...اهدييي ....وفكر وفكر وفكر وفكر

طاااااااااااااايب هفضل ماشي وراااااك لما نشوووف


.............
قريت لييييييييييييييه ....مفهمتش اكيد ... احسن :P

اهم حاجه محدش يفتكر اني اتجننت دا كان حوار بسيط مع نفسي :D

احباااااااااااااااااااااااط

الاسبـــــــــــاب لا حصره لهاااااااا ......................................

انا هقول نعم ...واقنعتهم(اجبرتهممم ) كلهم ف البيت يقولوا نعمم
عشان انا ديمقراطي (ديمقراطيه مصريه)
ومش هقعد اشرح هقول نعم ليه عشان زهقت من الشرح
بس اي حد هشوفه بيقول لااااا وعشان انا ديمقراطي بردو هتبقي ليلته سوده ....عشان انا زهقت بقا
وف الاخر اعلاء لروح الديمقراطيه بعد ما نعم يكسب ( اكيد ان شاء الله ) هخلي اصحابي الي ناووين يقولو لا يعزموني طبعا
هيه دي الديمقراطيه ولا بلاااااااااااااااااااااااااش

تحياتي
ديمقراطي مصري

عيزين نغير اللائحه ..... مش هينفع
عيزين يبقي فيه كورسات ف الكليه ....مفيش ميزانيه
مفيش دكاتره ف الكليه ..... علي اد الحافه مد رجليك

امال احنا قاعدين نتكلم ليه ؟؟؟؟؟؟
هنفضل زي ما احنا اتكلم زي ما انتا عايز ومش هنعمل غير الي احنا عيزينه

أقتباسات> فجر طاقتك الكامنة في الأوقات الصعبة - ديفيد فيسكوت


• إن أول شيء يلزمك التغلب عليه هو ذلك الاعتقاد السخيف بأن هناك من سيدخل حياتك و يحدث لك كل التغييرات اللازمة.
(اكيد ... بس ممكن يكون ف ناس كتير ممكن تدخل حياتك وتكون سبب رئيسي ف انها تتغير تماما)

• إنظر الى التجارب التعيسة في حياتك ، فسوف تجد أنها عدد المرات التي فشلت أن تكون فيها ذاتك.


• ليست هناك أي تفسيرات من شأنها أن تجعل للحب سببًا معقولا.
(الحب دائما ياتي بدون سبب ...ولو حسيت ف مره انه ليه سبب ميبقاااش حب )

• عندما تكون نظرتك لذاتك نظرة متدنية ، حينئذ يصبح تحمل السماع عن إخفاقات أصدقائك ، أسهل عليك من تحمل نجاحاتهم
(تمام ...عشان كدا لازم تقبل نفسك كما هيه وتحااااول تطور منهاا )

• إن العالم ليس مكانًا جميلا ، وكذلك ليس مكانًا سيئًا .إنه مكان محايد في أفضل الأحوال
(العالم به الشر والخير ولولا وجود الشر لما احسسنا بالخير ولولا وجود القبح لما شعرنا بالجمال)

• إن التبرير الوحيد الذي تحتاجه كي تعمل أي شيء تريده هو ببساطة :"أنا أريد أن أفعل ذلك" .
(ابراهيم الفقي وجعلي دماغي بالجمله دي ... اي حاجه عايز تعملها حطها علطول ف الفعل وحط ليها جدول زمني وابداء فيها )

• الآمال غير الواقعية وخيبة الأمل كالتوأمين يلازمان بعضهما البعض
(ازاي بقا ياعم ... لازم الانساان تكون احلامه كبييييره جداا عشان يوصل لاقصي ما يمكنه تحقيقه )

• إذا كنت تتوقع من الآخرين إصلاح ما أفسدوه ، فإن خيبة الأمل ستلازمك
(اممممم ... ممكن يكون معاك حق :D)

• إن أعظم منحة تستطيع منحها للأطفال هي أن تجعلهم يتولون مسئولية أنفسهم
(عندنا ف مصر الواحد بيبداء يتولي مسئوليه نفسه بعد ما يعدي الاربعين :D)



• لا تجادل .. فلا جدوى من الجدال .. لقد شكل الجميع أفكارهم .. ما هدفك من الصراخ للتعبير عن آراءك؟
(اكيد ... المصريين هنا مستحيل يقعتنعو برأي اي حد فعشان كدا الافضل انك لو هتتكلم تقول رايك وبس لان ملوش لزوم الجداااااال )

• إن أنجح الطرق للوصول إلى التعاسة هو كتمانك إحساسك بالألم داخلك
(لازم لكل حد اصحابه الي يقدر يفضفض معاهم والا هيمووووت فعلا)

• لو كان هناك سرًا للصحة النفسية فإن هذا السر هو أخبر من يجرحونك أنهم يجرحونك عندما يفعلون ذلك"
(صح جدا ...انا معرفش اتعامل مع اي حد عامل فيا موقف مش كويس غير لما اصارحه بيه غير كدا ازاي هقدر تكلم معاه )

• القلق هو إحساس مستقبلي بالألم


• عندما يخبرك شخص ما بسر ، فإنه يسلبك رد فعلك التلقائي تجاه شخص آخر


• حياة الأسرار هي ضرب من الجحيم


• يمكنك أن تتعلم من أخطاء الآخرين ، لكنك لا تنضج إلا عندما ترتكب أخطاءك أنت.
(لكن العمر غير كافي لتعلم كل شئ عشان كدا لازم اتعلم من اخطاء الاخرين )

• الخطأ الذي ترتكبه قد لا يكون سوى البداية الجديدة التي تبحث عنها
(صح ... وكما يقولو الفشل اول طريق النجااح ...بس بلاش فشل السنادي :D)

• إذا كنت تعيش في الماضي فإنك لست على قيد الحياة الآن


• عبر عن الضرر الذي وقع عليك ، وإلا فإنك تساعده على الاستمرار


• وعندما يكذب الآخرون بشأن حبهم لك ، فإنهم يسببون لك أعمق جرح يمكن أن يصيبك


• الطريق للجنون هو أن تحاول إسعاد الجميع طوال الوقت



• أبسط المشاعر تعبر عن أعظم الحقائق
(يكفي ان تكون الكلمات خارجه بصدق من القلب ...فهذا اقصر طريق لكي تصل للقلب )


• عندما تكبح مشاعرك ، تزيد فقط من فرص تعرضك للألم



• أمنح تقديرك ، تفهمك، دعمك ، حبك ، ولكن من منطلق القوة . العطاء من منطلق ضعف هو مجرد نوع من التسول .
(والله الراجل دا بيفهم : D )


• إنقاذك للآخرين أحيانا يؤجل تعلمهم للدرس الذي يحتاجونه كي ينضجوا و كذلك إذا حميت شخصًا آخر من الألم ، فإنك تدمر دافعه


أقصى مراحل نضجك هي عندما تؤمن بأن لديك شيئًا تمنحه للعالم•

ياررررب انجح ياااااااااااااااااارب ف الامييييييييييييييييييج بالتحديد وف كل المواد الباقيه :(((((((((((((((

يارب الدكتور ميستغباش مع الورقه ويعديني ف الماده دييييييي(الاميج)
الغلطه السناديييي بفااااااااااول

ادعوليييييييييي :))))))

من الاسهل علينا تقبل موت من نحب على تقبل فكرة فقدانه
واكتشاف ان بامكانه مواصلة الحياة بكل تفاصيلها من دوننا

مع او ضد ؟
انا ضد كدا خالص انا شايف اني عندي احسن بكتير
اني افضل شايف الشخص الي بحبه دا قداميييي بس
عن اني اقدر افكر انه ممكن يحصله حاجه

بعد كل اللي بايديا عملته فيك
والعذاب اللي انت شفته في حبي ليك
لسة قادر تبقى طيب و تسامحني
جاي بنفسك يا حبيبي و بتصالحني
كل دة وانا لسة مش هاين عليك
شوف بايه ضحيت عشاني .... وخدت ايه
حد غيرك كان هيفضل جنبي ليه
من انهاردة انا مش هعيش غير و انت جنبي
مش هنام غير و انت عايش جوا حضني
مش هوافق علي الحياة غير بين ايديك

رجعلنا حسني

تاجيل الدراسه تاني ؟؟؟؟؟؟؟
الصبر مفتاح الفرج ...طيب والصبر مفتاحه اييه ؟؟؟؟؟؟
البلد كانت عايشه ف ايام سوده بس الي جاي اسود بجد انا زهقت
رجعلنا حسني ياجدعان عيزين نتخررررج وبعدين اعمله الي عيزينه كدا كتير
مش عارف ليه الدفعه دي نحس اوي كدااا ...كل حاجه غريبه حصلت معانا
ويوم ما نيجي نتخرج يحصل ثوره والدراسه تتاجل لاجل غير مسمي ...
والمشكله اني متاكد ان البلد دي سابها حرميه وهيمسكها حرميه
العيب مش ف الحكام وبس العيب فينا كلنااااااا احنا كلنا غلط ف غلط
زهقت من القعده ف البيت مش بعمل اي حاجه ف الدنيا غير اني بناااام ....واناااام واناااااام ....
العيال بتوع جامعه القاهره ليه بيتظاهره خلاص طلبت معاهم دلوقتيي يعنييييي يشيلو رئيس الجامعه
ما كان مرميين من عشرين سنه وهما بيعملو ايييييييه طلبت معاهم حريه اليومين دوول
والمشكله ان نص الي ف المظاهرت دووووول ناس بتهيص ف الزحمه وخلاص ...
فعلا الشعب يريد الغاء التيرم واسقاط مصر ويخربو البلد
احنا بلد غريبه جدا
من كام يوووم السوقين واقفين قدام المرور وعاملين مظاهره ال ايه ياخويا مش عيزين يدفعو الغرامات ليه بقا ...مصر اتغيرت دلوقتي طبعا مندفعش غرامه
وبكلم واحد صحبي ف طب ف جامعه كدا ال ايه كمان نزلو عاملو اعتصام ف الكليه ال ليه بقا عشان يلغو الامتحانات
ليه بقااا اصلهم مش عرفين يركزو من الاحداث الي بتحصل ف مصر
اي حد عايز يعمل اي حاجه بيعملها
دا حال مصر خلي المتنبي بجلاله قدرررره يتجنن ويهلفط بالكلام ويقول

وماذا بمصر من المضحكات ولكنه ضحك كالبكا
يعني بيقول ان مصر بيحصل فيها حجات غريبه تخليك تضحك وتعيط ف نفس الوقت
والله راجل بيفهم عرف كداااا من سنين

يارب يطلع تاجيل الدراسه لاجل غير المسمي داااااا اسبوع بس ربنا يسهل
محدش عارف الخييييييير فين مع اني مش شايف اي خير

advice to you & me

عش حياتك بكل ثقة بأن الله يعلم مالا تعلمُه أنتْ .,
و يخطط لكْ بأفضل صورة هو يراها لكْ و أنتْ قد تكون لا تراها .,
أغمِض عينيك عن كل ما يتعسها .,
و قم بتربية قلبك على تحمل فُقدان بعض الأشياء التي تحبها .,
لأنك لا تَعلم لماذا فقدتها .!,
و لكن الله يعلم والله بنا ارحم

shocked

:(

i feel

breakdown and sadness

y raaaaaaaaaab

ماكنا خلاص انا وهيا بعيد عن بعض خديتنا الدنيا ونسينا وفاتوا سنين
وفات الوعد لما بينا طال البعد
ليه رجعت تانى عايز اعرف رجوعها ده ليه ووقت ما كنت محتاجها ده كانت فين
وحشتها بس دلوقتى وحشتها ليه
قولولها بحب غيرها ومستحيل ارجعلها خلاص انا مش فاكرها حتى ناسى شكلها
وجودها لوحده عيب لازم تغيب
حكاية وراح زمانها مفيش مكان لو دورت فى واحدة خددت مكانها حاجات كتير اتغيرت
قولولها كل شئ قسمة ونصيب
ما كانت ساكتة من امتا بقت بتحس وعاملة حساب لحد اداها حب فى يوم
دى عاشت فترة بتفكر فى نفسها بس
ليالى كتيرة بتحايل وياما نديت هفكر نفسى ليه مين اللى كان مظلوم
ده مش موضوع ويستاهل ده امر بسيط
قولولها بحب غيرها ومستحيل ارجعلها خلاص انا مش فاكرها حتى ناسى شكلها
وجودها لوحده عيب لازم تغيب
حكاية وراح زمانها مفيش مكان لو دورت فى واحدة خددت مكانها حاجات كتير اتغيرت
قولولها كل شئ قسمة ونصيب

لوكنت وضعت في قلبي محكمة
لمحاكمة الذين أساؤو لي
لما بقي في قلبي موقع حب ..
ولكني عذبت الذين أساؤوا لي بأنني سامحتهم ..
...وطلبت من الله أن يغفر لهم .. ..

ولو انني ملأت قلبي بالحقد و الكراهية
لعذبت نفسي
ولو ملأت قلبي بالسواد
لسودت عيشتي !!

فالذين يعلقون المشانق لخصومهم
انما يشنقون انفسهم

انني أجد لذة في ان ابحث لمن أساء لي عن عذر
أعتذر به عن إساءته ..
و انني لا افعل ذالك نبلاً مني .. ..
وانما افعله انانية ..
فأنا أخدم نفسي عندما أنظف قلبي من البغضاء والحسد

............
ناسف علي الشخابيط

لو الراجل دا مشي مين هيضحكنا !!!

من اشهر اقوال القذافي

للمرأة حق الترشح سواء كانت ذكر أو أنثى

أيها الشعب .. لولا الكهرباء لجلسنا نشاهد التلفاز في الظلام

الليبيون يحتلوا ليبيا

أنا لست ديكتاتورا لأغلق الفيس بوك .. لكني سأعتقل من يدخل عليه

تظاهروا كما تشاؤن ولكن لا تخرجوا إلى الشوارع والميادين

ساظل فى ليبيا الى ان اموت او يوافينى الاجل

بر الوالدين اهم من طاعة امك و ابوك

من اداب النظافه غسل الماء قبل شربه

إذا فتحت الباب ولم ينفتح تاكد انه مقفل

إذا اردت ان تنام ﻻتنسى اغلاق عينيك

الديموقراطية تعني ديمو الكراسي اي الدهماء على الكراسي

سأحكم بالسجن خمس سنوات لأي مواطن يقوم بالانتحار

بجد انا مش عارف ازاي واحد زي دااااااا يحكم بلد ازاااااااااااي
انا مستعد يحكمني واحد حرامي انما واحد غبي دا مستحيل ....دا مبيفهمش خالص دا مييييييح بجد الراجل دا ملوش غير مكان واحد بس
انهم يشوفوله شغلانه ف السيرك القومي .....دا هيموت شعبه بالصواريخ والدبابات وهيموتني انا من الضحك دا غريب
علي فكره القذافي فيوميي او ليه اصول من الفيووم فعلا وبالتحديد من المركز الي انا بنتمي ليه :D:D
فعشان كدا احب اوجهله رساله
الي القذافي
بص بقا ياعم انتا احنا فيوميه زي بعض واكيد هتفهمني كويس ...لو ملمتش شويه العيال المرتزقه بتوعك وسبت البلد واتكلت علي الله
جنب اخواتك وخلي بالك لو ناوى تتنحى ياريت يبقى فى يوم جمعة متبوظلناش النظام اللى احنا ماشيين عليه الله يكرمك ...لو محصلش كل دا انا هضطر ادخل ف الموضوع دا واظن انتا فاهمني كويس

واحب اسمعك رساله من صديقك القرموطي بيقلك ... الواد وحيد ابني ف ليبيا ....اظن الرساله وصلت

ربنا مع الليبيين ف ما ابتلاهم

..............................................
ناسف علي الشخابيط

الحقيقه وراء وائل غنيم

المصريين دول والله زي العسل سابو كل حاجه وماسكين ف وائل غنيم
انا شايف اي ان كان ... اهم حاجه ان المصريين وصله للي عيزينه
دا الواد بقا بيخاف يتكلم ليطلع بيتكلم بطريقه زييي ما اوباما بيتكلم ويقوله عليه امريكي الاصل

انا شايف خطا الوحيد الي عمله ولو اي حد ف مكانه كان هيحصل معاه كدا
انه اخده الشو الاعلاميييي كتير جدا لكن كل الي اتقال عليه دا من اشاعات غير صحيح وكان متوقع ان دا كله هيحصل


ناسف علي الشخابيط

انا بحب جيفارا جداا وكل مااقراء عن الي كان بيعمله بيديني دافع جامد جدا وخاصه لما بقراء كلماته زيي
لن يكون لدينا ما نحيا من اجله .... ان لم نكن علي استعداد ان نموت من اجل .......هو فعلا ضحي بحياته من اجل الحريه
انا ف حجات كتير عندي استعداد اضحي بحياتي عشان احققها .... كتيييييييييييييييييييييييييييييييييييييييير جدا
ومفيش حاجه ف الدنيا بتبقي محسوبه النتايج بس انا بردو مؤمن بالمقوله دي اوي
أعظم مخاطرة في الحياة هي عدم المخاطرة، فمن لا يخاطر لا يفعل شيئاً، لا يملك شيئاً، ويصبح لا شيء
ف حجات بحس انه مينفعش نخاطر فيها لانها مش بس ممكن تضرني انا ممكن تضر ناس تانيه
بس مش عارف ليه الايام دي حاسس اني لازم اسمع كلام جيفارا :D
..........................
ناسف علي الشخابيط