السلام عليكم
ان شاء الله هنكسب تلاته يا دوله
بس لازم كلنا النهارده نفضل ندعي التسعين دقيقه عشان احنا عرفين اصلا
انو المنتخب في البطوله دي مبيكسبش غير بسر الدعاء والسجده علي راي لؤي
ودا بان اوي الماتش الي فات بتاع الكاميرون اموت واعرف كسبنا ازاي بس مش مهم ادينا كسبنا وخلاص
وهنكسبك يا الخضره وهنخليها سوده علي دماغك

تحياتي
مشجع مصري هيتجنن لو مصر خسرت النهارده

كلاكيت رابع مره

بعد الدرجات اللذيذه الي الواحد شافها التيرم دا يقدر يدخل الامتحانات فعلا بكميه من الاحباط كويسه اوي
فعلا نعم الكليات الي تصدمك قبل الامتحانات مباشرتنا دي
حاجه تحرق الدم
بس الحمد لله الواحد دلوقتي مبقاش زي زمان ولا بقي في الخوف بتاع الامتحانات ولا الكلام الفاضي دا
ودا يمكن من الاسباب الي بتخلي الواحد بيجب درجات زي الزفت
وربنا يستر بقا
__________________________________________________________
ناسف علي الشخابيط

ان شاء الله هيكون عام جديد سعيد
مع انو اكيد مش هيفرق عن الي فات كتير
بس يمكن نكون احسن من السنه الي فاتت ونعمل حاجه مفيده في حياتنا
ونتغير شويه للاحسن ان شاء الله
وعام جديد باختبارت جديده وخبرات كتيره
ومش مهم عملنا ايه في السنه الي فاتت من حجات صح او غلط اهم حاجه اننا نكون استفدنا من كل حاجه غلط وصح عملناها
وكل سنه وانتم كلكم بخير
وبس
------------------------------------------------------------------------------------------
ناسف علي الشخابيط

ازاي تبقي رخم اوي .....

ازاى تبقى خنيق طحن لحد ما تنضرب علقة سخنه



قول نكته طويلة أوى وتعالى عند أخرها وأعمل نفسك نسيتها



• هات بخاخة مطهر و أمشى ورا واحد و كل مايلمس حاجة تروح
راششها بالمطهر على طول



• لما حد يشكى لك من حاجه قوله أنا عندى مشاكل أكتر منك



•فى مطعم بص للناس اللى على التربيزة اللى جنبك وهى
بتاكل ودقق أوى



• كل ما حد يقولك حاجه عيدها بس على هيئة سؤال مثلا
هايقولك "مش أنا اتجوزت"
قوله "أتجوزت؟!" هايقولك "اه الشهر اللى
فات" قوله " الشهر اللى فات؟!"
..... و هكذا



• و انت بتتكلم مع واحد متبصش فى وشه خالص



• واحد تانى بقى دقق فى ملامحه بص لودانه وشعره وكده



• و أنت فى المول ماتمشيش عادى لأ أفضل نط لحد ماتوصل
للمكان اللى رايحه



• مش كده وبس أى حاجة تقابلك فى سكتك طبل عليها



• فى المترو امضغ أمضع لبانة بصوت عالى و أنت واقف جنب
حد بيقرا مجلة او جرنان و أنت بتقرا معاه طبعا



• أعزم ناس تعرفها ملهاش علاقة بمناسبة عيد ميلاد حد
تعرفه وياسلام لو معزوم على الفطار لازم تاخدلك مش أقل من أتنين فى إيدك



• لو قاعد بتتفرج أنت وصحابك على فيلم وفاضل 5 دقايق قوم
غير القناة شد الفيشة أعمل أى حاجة لحد الفيلم مايخلص وميعرفوش النهاية



• سيب إاشارة العربية الشمال شغاله لمده 5 كيلو متر من
غير ماتلف و بعدين اطفيها و كمل طوالى



•ألبس جراب زى الجراب اللى بيتحط فيه المسدس بس حط فيه
الريموت كنترول وكل ماتقابل حد طلعه فى وشه قالى يعنى هتضربه بالنار



• أول ماتشوف كيس كاتشب على الأرض دوس عليه برجلك طرطشه
على بنطلون اللى جنبك وقوله كنت بشوفه فاضى و لا مليان



• لو فى مناسبة فيها دى جى أستلم بتاع الدى جى بأغنية
يشغلهالك ولوشغلهالك أستلمه يكررهالك علطول عشان بتحبها



• لو واقف جنب حد بيعد فلوس و فى وسط ما هو بيعد قول اى
رقم عشوائى زى 423



ملحوظة صغيرة : لو اتضربت أنا مليش دعوة

هو الفراق ده شئ بسيط ........لماالايد تسيب الايد
وكل قلب يروح لبعيد
لما العيون تنام حزينه.......... والقلوب تصبح غريبه
والدموع ع الخد تزيد

ذكاء اب

الأب يخاطب ابنه :

أريدك أن تتزوج الفتاة التي اخترتها لك .

الإبن :

و لكني سأختار عروسي بنفسي .

الأب :

و لكني اخترت لك ابنة بيل جيتس !!!

الإبن :

حسنا ، في هذه الحالة . . . . أوافق .

الأب (مخاطبا بيل جيتس) :

لدي عريس لابنتك .

بيل جيتس :

لكن ابنتي ما زالت صغيرة السن على الزواج ..

الأب :

و لكن العريس هو نائب رئيس البنك الدولي !!!

بيل جيتس :

آه !! في هذه الحالة . . . . أوافق .

الأب ( مخاطبا مدير البنك الدولي ) :

لدي شاب يصلح لمنصب نائب رئيس البنك .

المدير :

و لكن لدينا عدد كبير من النواب ، و لا توجد مناصب شاغرة .

الأب :

و لكن نائب الرئيس المقترح هو زوج ابنة بيل جيتس .

المدير :

آه !! في هذه الحالة .. . . . تم تعيينه .............


مــــــــــــ ــــــــنــــــــ ـــــــــقول

يارب

عندما تعجز محاولات و كلمات البشر عن مواساتك
فقل يـــــــــــــــــارب
كون واثقاً بأن الأبواب ستفتح لك
وستمتلك مفاتيح لم تكن قد خطرت ببالك يوماً
وستسري في جسدك روحاً جديدة، و نبضاً جديداً ...
لكن عندما تتعلق بربك و ردد في كل لحظة
... يــــــــــــــارب
و تذكر أن الحزن قوقعة كلما تعمقت بها كلما ضاقت عليك
و لا تظن أن هناك في هذا الكون من هو أرأف بك من مولاك

يارب ....النصر لمصر

الحاسوباتيه بيشجعووووووو مصر واحنا معاهم .....
والنتيجه النهارده ان شااء الله لسه عارفها حالا من الكونترول اتنين صفر لمصر

اولا كده كلنا عارفين ظاهرة الشباب الفافي المدلع ده وخصوصا انهم كتروا اوي اليومين
دول يعني تلاقي منهم اللي بيقلدوا البنات في كل حاجه حتي في تسريحه الشعر ما علينا
المهم ان ده حوار بين ام ربنا رزقها بواد فافي ومايع ومدلع اخر حاجه
والمصيبه انه طالب جامعي وده جزء من حوار دار بينه وبين مامته الله يكون في عونها
والشاب ده اسمهyay

yay:
حر..... حر ..... حر... حر .... اف خلاص ياربي مش طايقه نفسي .. قصدي مش طايق
نفسي تعبان خالص خالص

الام:
ايه يا بيضه مالك ايه اللي مخليك تعبان ؟؟؟؟؟؟؟ يا واد ماتشد حيلك شوية وخليك راجل كده ربنا يخدك مش عارفه طالع لمين يا منيل
yay
:
ياربي انا ايه اللي خلاني رجعت البيت ده ما انا كنت قاعد في
الجامعه كويس

الام :
يا واد ده انا لما كنت بسنك كنت بربي غنم وكنت بربي قطيع زيك كده على اخر الزمن مش عارفه اربيك انت يا حشرة
yay
:
ياااااااااااااي يعني ايه غنم يا مامي ؟؟ ايه تقصدي خروف يعني

الام :
ايه يا خويا مش عارف غنم يعني ايه
ده ابوك لما كان في سنك كان بيصطاد اسود وكان قلبه جامد مش زيك لو طب في حجرك عنكبوت تموت فيها

yay:
ييييييييييييى مش تجيبيلي سيرة العناكيب بليز جسمي بيقشعر يا مامي
الام :
ده اللي يقعد معاك ويسمع كلامك يقول عليك عندك تلات سنين مش عشرين
سنه قوم يا واد انت من قدامي قوم ماتخلنيش افقد انوثتي وارتكب فيك جريمه
yay
:
هههههههههه انوثتك ؟؟؟؟ فين دي ؟؟؟؟ قصدي اه عارف يا مامي كلك انوثه طبعا

الام :
روح نام نامت عليك حيطه يا بعيد
yay
:
ليه
يا مامي انتي عدوتي كده دايما ليه بتحاولي تحطمي مشاعري واحاسيسي ليه مش
انا دلوعتك .... قصدي دلوعك مش انا ضناكي اللي بتخافي عليه ؟؟؟؟ اهيء اهيء
اهيء
الام :
خلاص يا روبي متزعلش والله
احرجتني بكلامك ده
ده انا يا ياي
عايزاك تبقي راجل كده
شوف اخوك حسنين راجل
ازاي والكل بيخاف منه
ده شعر شنبه اكتر من شعر جسمك يا منيل مش زيك بيقعد
يتمكيج علي المرايه بالساعات

:yay
ده حسنين ده قلبه قاسي وجامد اما انا فقلبي قلب خفيف مش بيستحمل اقل
حاجه

الام طيب هاسالك سؤال
yay
:
اوف كورس مام اتفضلي

الام:
احنا لو دخل علينا حرامي دلوقتي هاتعمل ايه ؟
yay
:
هاشده من شعره واقوله عيب عليك كده يا حرامي

الام :
لالالالا!!! تصدق حرام عليك كده يا ابو قلب قاسي انت كده بتقسى عليه اوي اوي هاتشده من شعره ؟؟؟؟؟؟؟؟؟؟؟؟؟؟
yay:
يس

الام :
ليه انت فاكر الحرامي مطول شعره زيك يا باربي ؟؟
ده الحرامي لو جيه هيديك
على دماغك ويسرقك وانت هتبقي زي الاهبل مش هتعرف تعمل حاجه
yay
:
يووووووووه ..... ماتخوفنيش بقي يا مامي انا هاقوله خد يا حوحو اللي انت عايزه بس سيبلي هدومي وتشيرتاتي

((((( وفي هذه اللحظه دخل المحروس بسلامته حسنين اخو النونو ياي))))

الام :
ابني حبيبي راجلي وعزوتي وسندي

حسنين:
ازيك يا امي عامله ايه

الام :
مش كويسه يا حسنين اخوك هيجنني

حسنين :
تاني يا ياي ؟؟
yay
:
انا مش عملت حاجه خالص خالص

الام:
بص يا حسنين لو دخل علينا حرامي دلوقتي هاتعمله ايه ؟؟؟؟؟؟؟؟؟؟؟

حسنين:
هاكسر له ظهره واطحنه واقطع له ايديه واعلقها علي اول الشارع علشان يبقي عبره لغيره
yay:

يوووووووووووووووووه ..........نونونونونو
بلاش الكلام ده مش هعرف انام
انا بخاف
نونونو
انا هادخل انام بدل ما انا قاعد معاكم يا اولاد دراكولا

الام :
يا حسنين عايزين ندخل اخوك العسكريه علشان يبقى راجل شويه
حسنين :
عسكريه ايه يا امي ؟؟؟ ده لو راح العسكريه هايفتكروه اليسا بتتمشي قصادهم بلبس العسكريه بلاش فضايح يا امي
yay
:
انا سامعكم انا لسه منمتش هاه وعموما يا مامي انا قدمت في معهد الباليه علشان عاوز اتعلم رقص الباليه اوك

حسنين:
لا اله الا الله

الام :
عوض عليا عوض الصابرين يااااااااااااااااااااااااا

ااااااااااااااااااارب


****************************************
منقوووول ,الحوار طبعا مش حقيقى

ورجعنا تاني

الدراسه خلاص قربت تبداء تاني وانا فرحان اخر حاجه
بس الواحد عندو مشكله واحده انو مش عارف لحد ناو ازاي هيصحي ويروح الكليه
اما انا اصلا بصحي الساعه 7 بالليل طيب هصحي بقا الساعه 8 الصبح ازاي ازاي حد يقولي
عشان كدا ياسلاااااااام لو الاجازه تتمد كمان اربع لا قول تمن شهور ياهههههههه
اكون ظبطت نفسي علي اني اصحي الساعه 8 الصبح ياريييت
ادعو معايا وقولو يارب وزير الصحه تضرب في دماغه حكايه الخنازير دي ويدلعنا كمان وكماااااان
____________________________________________________
سلام

عيد سعيد

كل سنه وكل مصربخير
والسنه الجايه نكوووووووون كلنا احسن
ونكون كبرنا كمان سنه وحققنا شويه من احلامنا يارب

شخص عادي

انا كنت قاعد مع نفسي وبفكر وعمال افكر واسئل نفسي انا ايه طيب ازاي طيب ليه
وفكرت من يوم ما اتولدت لحد دلوقتي في حياتي
وهعرفكم بنفسي زي ما وجدتها
انا شخص عادي جدا اتولدت في بيت عادي وبين ناس عديين في بلد عادي
والحمد لله دخلت مدرسه عاديه وبيدرسلي مدرسين عاديين وبدرس مواد عاديه
وخلصت المدرسه بشكل عادي وبدرجات عاديه جدا وبعد كدا دخلت الاعداديه العاديه وبيدرسلي بردو مدرسين عاددين
مناهج خنيقه وعاديه وخلصت التلات سنين الي هما عاديين جدا وبردو بدرجات عاديه
ونويت ان مرحله الثانويه متكنش عاديه زي كل الايام العاديه الي عدت عليا
بس للاسف بردو دخلت مدرسه ثانويه عاديه مع اصحاب فشله وعاديين ودرست بردو مواد عاديه بيدرسهالي مدرسيين عاديين
وخلصت الثانويه بطريقه عاديه وبمجموع انا شايفه عادي ودخلت كليه عاديه في جامعه عاديه مع اصحاب عاديين
وبيدرسلي دكاتره عاددين مناهج عاديه وبيعدي يومي عادي زي اليوم العادي الي قبلو ومفيش حاجه في حياتي مش عاديه
بس فكرت لحد امتي هتفضل حياتي عاديه في بلدي العاديه
امتي هبقي حاجه مش عاديه
انا نفسي بجد اكون شخص غير عادي بس ازاي هكدب عليكم لو قلت مش عارف اكيد عارف بس بستهبل
بس انا ناوي اني فعلا هكون شخص مش عادي
عشان مشتغلش زي العاده شغلانه عاديه لا طبعا انا مش هقبل اكون عادي كدا
بس هل انتو بردو ناس عاديين وهتفضلو عاديين كدا ومش هنبقي في يوم من الايام حاجه مهمه عشان اكيد بينا
الدنيا وحال المسلمين كلهم هيتغير بس لو كنا مش عاديين
ومعلش بقا علي موضوعي الغريب دا
-------------------------------------------------------------------------------
ناسف علي الشخابيط

ملل

السلام عليكم
مش عارف انا ليه حاسس بملل جامد اوي لدرجه اني مش عايز اعمل حاجه
والمصيبه انو في قدامي مليون حاجه اعملها بس بردو مش بعمل حاجه والملل علي اخرو
مش عارف ليه لدرجه اني مش عارف اصلا انا بكتب الموضوع دا ليه
محدش عندو حل للمل الي انا فيه دا
بدل انا قربت اتشل منووووووووووووووووووووووووووووووووووووووووووووووووووو


ناسف علي الشخابيط
سلا م

مصر في كاس العالم

انا فرحان النهارده اخر حاجه عشان المنتخب فاز علي روندا رغم كل الظروف
مش عارف ليه الواحد مش بيحس انو بيحب البلد دي الا لما بيتفرج علي مباريات منتخب مصر
بس الحمد لله اننا فزنا لحسن لو كنا اتغلبنا كنت خلاص هعلن اعتزالي الرسمي من تشجيع كوره القدم دولي
بس الحمد لله ربنا وفقنا
وانا حلمت خير الله ام اجعلو خير انو الجزائر اتعادلت مع زامبيا الماتش الجاي صفر صفر وكمان حلمت انو مصر راحت خلاص كاس العالم يعني اطمنو خلاص وانا احلامي لا يمكن تنزل الارض ابدا
وان شاااااء الله الجزائر هتتعادل ماتش بكره ويبقي احنا كدا في كاس العالم رسمي
ان شاااااء الله
واي حد عايزني احلاملو انا في الخدمه علي فكره :d
____________________________________________________________
ناسف علي الشخابيط

mE_To_U

اشاعات الهوى
أقول أمام الناس … لست حبيبتي

وأعرف في الأعماق كم كنت كاذبا

و أزعم أن لاشيء يجمع بيننا

لأبعد عن نفسي و عنك المتاعبا

و أنفي إشاعات الهوى و هي حلوة

و أجعل تاريخي الجميل خرائبا

و أعلن في شكل غبي براءتي

و أذبح شهواتي أصبح راهبا

و أقتل عطري عامدا متعمدا

و أخرج من جنات عينيك هاربا

أقوم بدور مضحك يا حبيبتي

و أرجع من تمثيل دوري خائبا

فلا الليل لو أراد نجومه

و لا البحر يخفي لو أراد المراكبا

الندم توبه

الحمد لله ربنا احيانا لحد ما رمضان جاه تاني
وانا بحب الشهر دا اوي زي كل المسلمين طبعا
وكل مره بقول اني هعمل وهعمل ومش بعمل حاجه بس انا المرادي لازم اعمل بجد
بس انا بجد في حجات وحشه كتير اوي بعملها
بس انا نفسي اغيرها بجد في رمضان يكون عون ليا اني
ابطل كل الحجات دي
لو قدرت اني اعمل كدا بجد هكون انسان تاني بجد
غير الحياه الي انا عايشها دي خالص الي انا مش رادي عن تلات اربعها
بجد لازم الواحد يتغير
طول اليوم مش بعمل حاجه مفيده ولا حاجه واغاني طول اليوم بجد الي الواحد بيعملو في نفسو دا حرام حرام حرام
وحجات تاني كتير ملهاش اي لزمه بس انا شايف ان دا كلو بسبب الاغاني المرض اللعين الي كل شباب المسلمين عيشين فيه
يمكن انا اكون بزياده شويه بس انا خلاص نويت ابطل الاغاني دي ويارب ان شااااااء اللللله ربنا يقدرني علي دا في الشهر دا
يااااااااااااااااااااااارب
سلام

الحمد لله

الحمد لله النهارده خلصصصصصصت خلاص التدريب وسلمنا المشروع
عشان الواحد بقا عايز يفوق شويتين كدا عشان يبداء المهمممممم
الحمد لللللله خلصنا :D:D:D:
ومن بكره بقا ان شاااااااء الله هبداء اكتب بوست هوريكم الرخامه علي اصلها :D:D:D
مدونتي وانا حر فيها صح صح :D:D
يلا سلااااااام

هو فيه ايه

هو فيه ايه ؟؟؟؟؟؟؟؟؟؟؟؟
كدا كتير اوووووووي يعني
..
..
..
سلاااااام