بيت الرعب

انا فكرت وقلت اني انا في الفتره الاخيره عمال انكد عليكم
كلو نكد نكد فقلت لازم اغير بقي وافرفش شويه واتكلم في حاجه كدا فرفشه
وفكرت وقلت طيب اتكلم في ايه وقلت احسن موضوع فرقشه ممكن اتكلم فيه
هو العفرررررررررررررررريت
(اول حاجه دلوقتي انك لازم تكون قاعد لوحدك عشان اللعب يحلوووووووووووو)
اها العفريت (اوعو تضحكو) وكمان بما ان مدونتي عامله زي بيت الرعب فكنت لازم اكتب حاجه زي دي
انتو ايه هتاخفو من اولها ولا ايه
اهم حاجه تركزو معايا بس ومتبصوش وراكم لحسن هما بيكونو في كل مكان
(اوعي تبص وراك)
انا عارف ان الحجات الي هحكيها دي ممكن تضحكم وبردو ممكن تخوفكم
اول حاجه مرعبه حصلت معايا من الحجات الي فاكرها
كانت السنادي لسه اهي
كنت قاعد مع شويه اصحابي كدا وقريبي عند بيت واحد قريبي كدا
وسهرنين نهزر ونلعب وكدا
وبعدين قلنا نلعب لعبه ايه الصراحه يا لهووووويز كان يوم اسوووووووود
(مش قلتلك متبضش وراك)
فبعدين فضنا نسئل بعض نسئل بعض
لحد ما جاه السؤال لواحد وهيسئلني وقلي ايه
يا محمد لو انتا قاعد في بيت تلات ادور ومفيش حد في البيت غيرك ولقيت حرامي دخل البيت عليك
ومعاها سلاح ولو قمت ممكن يقتلك هتعمل ايه
هتعمل نفسك نايم لحد ما يسرق البيت (هههههههههههه)
ولا هتقول تشوف الراجل دا بيعمل ايه وتساعدوه تكسب ثواب بردو
ولا هتقوم بقي وتحاول انك تضربو بقي وهو معاه سلاح يعني ياما يقتلك يا تقتله
انا طبعا قلتلوووو بقلب جامد لالالالالالالالالالالالالالالا هقوم طبعا اضربو وبحصل الي يحصل (فيومي بقي ..... فشار يعني )
قلي ماشي يا جامد
وبعدين رحت كدا خارج من الروم دي ودخلت روم تانيه وكان النور مطفي بقي كدا وفجاه لقيت حاجه نطت في وشي ايييييييه دااااا
يالهوييييييييييييييييييز
واللللله اتكهربت مكاني من غير حركه ولا نفس وبعدين نورت النور بسرعه لقتها قطه
اخرتي تيجي علي قطه
طبعا انا كنت مش شايف قدامي بجد
اتخضيتتتتتت خضه غريبه ودخلت للعيال تاني بس فضلت كدا اكتر من 10 دقايق مش عارف انطق وحاسس اني اتلبست فعلا وهما ايه بقي
مقضينها تريقه وال ايه هتضرب الراجل الحرامي ال ويضحكو
وانا مش شايف قدامي اصلا ومش عارف ارد وهما عملين يضحكو
ولاد التييييييييييت
دا اول موقف بجد انا خفت فيه جدا وطبعا الي يحصلو الموقف غير الي يتحكيلو عليه (ربنا يكرمكو كدا ويحصلكم موقف مشابه عشان تعرفو)
تاني موقف بقي
كدا دا من زمااااااااان شويتين بس عمري ما هنساه
عشان كان بيحصل معايا كل يوم
وكان بيحصل معايا عند بيت خالتي بقي دا
كنت بروح اقعد علي الجهاز عندهم علي النت عشان كنت لسه موصلتش نت وكدا
بس كان الجهاز فين فين بقي في الدور التاني هناااااااك
وما ادراك ما الدور التاني دا
كان ابن خالتي كل يوم يقعد يحكيلي ان البيت مسكووووووووووون وفيه عفاريييييييت
وانا بقي كنت صغير (مش صغير اوي يعني من خمس سنين كدا) وبخااااااف من الحركات دي
كل يوم يعمل كدا ويقلي انو كان في واحد زمان اتقتل علي السيلم بتاع الدور التاني دا
والواحد دا اسمو سرور وخلي بالك ليطلعلك
وبجد بقي الواحد كان بيفضل طول ما هو في البيت خاييييييف جدا جدا من سرور دا
(بتبص وراك تاني تستاهل الي يجرالك )
ومعظم الوقت اصلا البيت المخيف دا مفهوش حد خالص بيكون غير خالتي دي وانا بس
اروح طالع الدور التاني ولسه يا دوب اقعد علي الجهاز
واييييييييييييييييه ينهاااااار
بجد اسمع صوووووووووووت حد بيتنفس بصوت عالي
وانا هتجنن بجد قلبي يقف ومش قادر اتحرك ايه دا ولا قادر انزل ولا اطلع
وبعد شويه كمان صوت ناس بتمشي علي السيلم بجدددددددددددددددددددددددددددددد
هتجنننننننن ايه دا هو سرور صحي تاني ولا ايه لالالالالالالالالالالالالالا
احنا فينا من رعبببببببببببببببببببببب
واروح جاري انزل من الدور المسكون دا
فضلت الحكايه دي تحصل كتير اوي اوي
كل يوم تقريبا
وكنت كتير اوي اجي اطلع اصلا اسمع الاصوات دي انزل جرررررري
بجد حقيقي الحجات دي كنت بسمعاها
معرفش اذا كان الواد ابن خالتي مثلا بيشتغليني بس لالالالالالالا
مستحيل عشان كان ممكن كدا اموت فيها اصلا
وكمان كنت بخرج كتير من الروم ملقيش حد خالص وبردو الاصوات بتكون شغالللللله
وكمان هو كان بيحصلو حجات كتير زي دي وكان بيموت في جلدوه
وبجد كانت العيله كلها بتخاف من الدور دا اصلا ومن الروم دي بالتحديد
(بيت الرعب فعلا )
يجد دا اكتر رعببببببببببب انا شفتو في حياتي خاصه الموقف التاني دا مرعب جدا
رعبببببببببب رعبببببببببب رعبببببببببببببببببببببب رعبببببببببببببببببببببببببببب
(اكيد دلوقتي مش هتبص وراك وش شريررررررر)
وبعد فتره كدا كبيره دلوقتي كدا فكرت في المواقف المرعبه دي كلها
وقلت طيب ما انا دلوقتي بروح عند بيت خالتي وبطلع الدور التاني عادي
ومفيش حاجه هو صحيح انا لسه بردو بخاف من الدور دا عشان هو اصلا شكلو مرعب
بس مفيش اصوات بسمعها امال ليه الاول كنت بسمع انا بقول لسبب واحد
عشان ابن خالتي ايوووووووووه ممكن هو كان بيحكيلي كدا ويقلي عن الراجل المقتوووول
فا ممكن كانت نفسي بتتخيل الاصوات دي ممكن بس كنت بسمعها ودلوقتي لااااااا بس كانت موجوده
وبردو انا ليه اتخضيت من القطه لما شفتها مع اني لو كنت داخل عادي كدا وكان في وقت غير الوقت الي لسه كنا قاعدين فيه
وواحد سئلني عن حرمي ويقتلك وتقتلو انا شايف اني لو واجهت الموقف دا مستحيل كنت اخاف من القطه دي
يعني الحجات دي كلها ممكن تكون عشان انا الي بفكر فيها بتحصل
جايز ممكن او هو فعلا الحجات دي موجوده مش عارف واللللللله
بس الحمد لله قدرت اوصل رسالتي وارعبكمممممممم زي ما انا عاييييييز (وش شرير موووووووت )
يلا عشان متقولوش حرمكم من حاجه فرفشه كمان اهيه بعد النكد
اها في الاخر يا ريت لو حد عندو اي موقف عفريتي يقولو
اوكي ولا انتو هتضحكو علي مواقفي بسسس
وبردو اوعي تبص وراك

وناسف علي الشخابيييط
سلام